Bennie Oude Oosterik as Bets Pikstrik (oet Langeven)
Bennie kö’w noevedan hen ôk tut de vaste kern van oons festival reknen. Wiej hebt ‘m learn kennen as Bets Pikstrik, nen boerenjong den mangs ’n luk onwarkelijk in de wearld steet. Bennie is oald-Prins van carnavalsverenniging De Turftrappers woar he op ’n gala ôk van zik döt sprekken, hee is maantelzoarger en hef nen hond ‘Dieks’ woar e völ zoarg an besteed. Hee is de naar greuts op dat he dit joar de pubquiz hef wunnen. Venoamd löt hee as Bets Pikstrik weten hoo ’t d’r biej optredens in aandere doarpen en plaatsen an too geet.
