Onze buutreedners

En hier bint ze dan, de jongs en dat ene wicht dee oeleu ne allebassens mooien oamd goat bezoargen:

Karel van de Kate (Bennie Morsinkhof)

Oet Hoksebarge. Karel begun in 1989 as conferencier biej ‘Humor oet Hoksebarge’ en maken zun betke alle kattenkarmisse woar wat te lachen veel met. Hee spöln van 2002 tut 2011 biej ‘Twente Plat’ en ôk nog twee joar biej ‘Drenthe Plat, dee ‘n kolderiek wearbericht biej Radio Oost, har ziene eagen programma’s ‘Koffie, koekje, Karel’ en ‘Karels kiek op de wek’. Hee deer in 2015 en 2016 ôk â met an dit festival. Venoamd isse gangs met kunst onder ‘t motto; ‘Kunst en Karel’.

Bets Pikstrik (Bennie Oude Oosterik)

Oet Langeven. Vanoet de zogeneumde ‘Creatieve Dagen’ van de KPJ, woarbiej hee optrad in ne ‘One-Man- Show’, noar de toneelverniging en dan via ‘t plaatselijk revuegezelschap noar de carnavalsvereniging, steet Bets â wear heel wat joaren op de planken. Dit wodt zien earste optreden biej ‘t Twents Buutfestival. Wo’j weten hoo at ‘t d’r too ging biej Bets in hoes vroger? Dan mo’j mer good lustern noar ‘Biej oons in Hoes’.


Marcel (Marcel Hoge Venterink)

Wont in Olnzel en is n’n richtigen ‘Boeskool’. Zun 34 joar ledden, toon asse nog zun kuken van um en noabiej de 20 was, isse begunnen biej ‘t ‘Kleintje Gala’ van de Blaanke Boeskeulkes. Doarnoa deer e 27 kear met an ‘t Kadolstergala, woar Geert Christenhusz met hef schremmen an ziene earste buut. Neumensweard: Marcel was ‘n earsten ‘Tapkloas’ in de Boeskoolstad. Marcel, ‘n kearlke van 12 ambachten en 13 ongelukken, hef â onmeundig völ baantjes had, was ZZP-er en nich te vegetten kottens nog ‘Opsporingsambtenaar der Gemeente Oldenzaal’. Dan is ‘t toch ôk nich vrömd te solliciteren noar ‘t burgemeesterschop van de Boeskoolstad? Of nich dan, wat wo’j!

Biester Bennad (Jos Oortman)

Jonk in Breklenkamp, wont â 25 joar in Oatmöske. Spöln teneel biej Durido oet Lattrop en trad op biej de gala’s van de Othmarridders. Veurig joar deer e veur de earste kear met an dit festival en wödden hee daardes. Venoamd heffe ne reünie van de leagere school. De klasgenoten bint d’r nich bepoald knapper op wödden. Van #me-too mot Bennad ôk niks hebben; iej mögt ôk nans mear anzitten!

Harm van oaln Dieks (Harrie Nordkamp)

Oet Oawerdeenkel. Zun viefteen joar ledden is Harrie ‘Harm van oaln Dieks’ wodden. En dat alles noa ne weddenschop. Harm döt oaweral van zich heurn. Joa, ôk in de Pruus, of dachen iejleu datte gin Duuts kan? Hee döt awear veur de vearde kear met an ‘t Twents Buutfestival. Iejleu wissen tuurlijk â dat d’r smokkeld wodt in Oawerdeenkel. Mer zwartwarken? Dat geet vast nich good!

Willem Petas (Willie Rouwhorst)

Kump oet Söwent in ‘n Achterhook en stun op 1 januari 2000 veur ‘t earst op de plaanken. Hee spöln seent dee tied völ zalen in Twente en ‘n Achterhook kats plat. Hee wödden in de leste joaren vearde en viefde biej ‘t ‘Twents Buutfestival’. Willem hef opvolgers neudig veur ziene boerderije en schrif zik doarum in veur ‘Boer zoekt vrouw’.

Remi en Remia (Jan en Anita ten Bokum)

Wont in Oatmöske en Olnzel, mer bint allebei richtige ‘Siepel’.Zee bint as duo begunnen biej de gala-oamden van de Othmarridders, hebt dat vief joar met völ succes doan, deden twee seizoenen met an ‘Twente Plat’en hadden ‘t op ‘t lest wâ ‘n betke had met al ‘t gevleeg van hen en wear. Ze doot ‘t ‘n luk röstiger an en……met succes; veurig joar wonnen ze, as nijkommers, de earste pries op dit festival. Venoamd loopt ze stage in ‘t leger en dat beloawt n’n hoop kolder!

Wiej wunschet oe onmeundig völ plezear en onze buutredeners völ succes!

Muziektheater

  • Spiegels 2013

    Spiegels 2013

    Muziek Theater Groep Scaramouche gaf op 19 en 20 april …
  • Scaramouche

    Scaramouche

    “Scaramouche” is het gezelschap terug in het land waar Scaramuzzia …
  • JOARGANG

    JOARGANG

    De muziektheaterproductie ‘JOARGANG’ mag een regelrecht succes genoemd worden, getuige …
  • UND DANN….BLEIBT NUR DER SCHMERZ

    UND DANN….BLEIBT NUR DER SCHMERZ

    Kurt Weill is voor velen een begrip en voor degenen, …

Recensies

  • Scaramouche

    RECENSIE TWENTSCHE COURANT TUBANTIA 08-11-2008 jubilerend Scaramouche: muzikaal toptheater OLDENZAAL …
  • JOARGANG

    RECENSIE TUBANTIA 06-11-2006 Joargang: tijdloos mooi THEATER Oldenzaal, Stadstheater De …
  • Die Geschichte der Lili Marleen

    RECENSIE TWENTSCHE COURANT TUBANTIA 15-09-2004 MUZIEKTHEATER Oldenzaal, De Bond. ‘Die …
  • UND DANN….BLEIBT NUR DER SCHMERZ

    En dan… rest slechts de betovering MUZIEKTHEATER OLDENZAAL – Première …

Nieuws